Band and groups

Music: https://bankvelv.bandcamp.com/album/bankvelv

Heidi Kvelvane og Symre Taugbøl Bang traff kvarandre på jazzlina ved Griegakademiet i Bergen og er saman Bankvelv. Med kjærleik for folkemusikk har dei fordjupa seg i Vestlandsspringaren, overført frå tradisjonell trekkspel og hardingfele til meir utforskande saksofon og gitar. Resultatet er energisk og leiken improvisasjon med stødig slåttespel som grunnlag. Prosjektet har hausta siger i både open klasse på kappleik og Jazz i Sikte-konkurransen i Bergen. Sistnemnte førte til vellukka konsert på Nattjazz og festspillene i Bergen. Med stødig samspel og sitrande speleglede lovar Bankvelv vestlandsslåttar på ein måte du aldri før har høyrt!